Trúa alþingismenn öllu í blindni.

Alveg er það með eindæmum að þingmenn geti komið í fjölmiðla og kvartað yfir því að þeir hafi verið plataðir til að samþykkja hin og þessi lög.  Er ekki skýrt tekið fram í frumvörpum um hvað málið snýst eða er það bara eitthvaða sem menn heyra á göngum þingsins. Ég er að tala um þegar Álfheiður kvartar yfir komugjöldum á heilbrigðisstofnanir en hún eins og aðrir þingmenn virðast hafa samþykkt gjaldið af því að sagt var að það ætti að vera kr. 4000 en það virðist hvergi hafa verið skrifað og síðan varð gjaldið kr. 6000 og þetta eru bara munnmæli. Hvernig í ósköpunum eigum við að trúa og treysta þessu fólki ef það samþykkir eitthvað sem sagt er á göngunum en er ekki skrifað og klárt til afgreiðslu, þetta er nú einu sinni fólkið sem við héldum að hægt væri að treysta til að gæta hagsmun okkar. Svona er einnig farið með svokallaða forustumenn verkalýðsins en þeir skrifa undir samninga fyrir okkar hönd, á ofurlaunum, en strax daginn eftir er byrjað að senda í kjaradóm þar sem túlkanir manna eru mismunandir hvort þú sért atvinnurekandi eða verkamaður ekkert er þannig sett á blað að það sé skýrt og klárt. Og það virðist vera svo að allir þessir háu herrar á þingi eru brennimerktir sama markinu hvort þeir séu í minni eða meiri hluta.

Gleðilegt ár.

Ekki get ég annað en verið hissa á þessum aðilum sem nýta sér mótmælafundi til að fara yfir strikið og skemma eigur og lemstra fólk. Á þeim tímum sem sýna þarf aðhald í fjármálum þá er þetta fólk aðskemma og meiða fólk en það kostar peninga, peninga sem betur væri að nýta í þjóðfélagslegar aðgerðir frekar en í tryggingarbætur.

Árshátíðir.

Það er einkennilegt hvað mörg fyrirtæki og stofnanir halda árshátíðir sínar á þessum tíma árs. T.d. gætum við hjónin verið á árshátíðum þrjár helgar í röð. Og svo bætiast sennilega skemmtilegustu hátíðinar við en það er hjá hinum ungu nemendum okkar  í grunnskólunum en í gær fórum við á hátíð Myllubakkaskóla sem var haldin í íþróttahúsinu við Sunnubraut og fannst mér gaman að fylgjast með krökkunum að syngja, lesa upp úr bókum, leika leikrit, og flytja söngleik.  Það má segja að það séu ár og dagar síðan við fórum síðast á árshátíð grunnskóla en nú hefst þessi skemmtilega uppákoma aftur. Ég mátti nú til með að taka upp söngin(brot) hjá mínum manni og félögum hans í fyrsta bekk syngja lagið um hann Tóta tölvukarl og setja það inn hér þannig að mitt fólk á alþjóðamarkaði gæti kútinn á sviði en hann er reyndar aftarlega og sést illa en hann er þarna og sveiflar sér vel í takt við lagið.

Takk kærlega.

Þar sem ég og mín fjölskylda hefur í gegnum árin átt viðskipti við þetta umboð get ég með stolti þakkað Ernu og fjölskyldu hennar fyrir gott starf og góð viðskipti í gegnum tíðina, farnist þér vel í nýju starfi og óska jafnframt nýju forstjóra velfarnaðar.

Kristinn Þór Geirsson nýr forstjóri B&L

Tónleikar ll

Var á alveg frábærum tónleikum á laugrdaginn með hinum síungu Þursum og Caput hópnum í Laugardalshöllinni.  Það er alveg með ólíkindum hvað við eigum mikið af frábærum hljómfæra snillingum og einnig hvað það er í raunini auðvelta að koma sér á framfæri í dag og er það bara frábært því þá fáum við hin að njóta þess að hlusta og gleðast með þessu fólki og þeim gleðiboðskap sem þeir flyta okkur.  Ég stalst til að taka upp þetta myndband en það mátti víst ekki en ég læt það flakka með. Annar er maður orðin ansi þreyttur á þessum snjó og þeim umhleypingum sem fylgja þessum vetri en það þýðir ekkert að kvarta því í vændum er gott sumar eða það ætla ég svo sannarlega að vona. Ekki er nú öll vitleysan eins en eitthvað viðist það trufla serba þótt Börk sé með ákveðnar skoðanir á frelsi allavega þá fær hún og hennar fólk ekki að koma fram í þessu vesalings landi en ég sagði sem svo að þetta væri allt í lagi því þá þyrfti dóttir mín og tengdadóttir ekki að fara til þessa ófriðarslands. Það voru síðan tónleikar í Duushúsum í gær sem ég hefði verið til í að fara á en það er bara ekki hægt að gera allt og það á sömu helginni en það var með þeim sistkynum Óskari, Ómari og Ingibjörg en þar eru á ferð fádæma snillingar. Eitt í viðbót við skemmtanahaldið er að árshátíð Reykjanesbæjar verður haldin 01.mars og virðist sem eindæma dræm þáttaka sé á hátíðina og er það miður en að þessu sinni verður að halda hana í íþróttahúsinu við Sunnubraut þar sem búið er að loka Stapanum en við hjónin ætlum og verðum væntanlega í banastuði.

Tónleikar

fórum á tónleika í dag á vegum Sísl í íþróttahúsinu við Sunnubraut en þarna voru á þriðja hundruð tónlistamenn að spila undirstjórn bandarískra stjórnenda og var þetta hin besta skemmtun.  Athyglisverðast var þó trommusveitin sem spilaði þarna en hana skipuðu 29 trommara og hljómsveit sem spiluðu einskonar massering lag eða þannig að bandarískum sið. Myndband af spilinu fylgir hér með það er að segja ef ég hef náð tökum á tæknini.. 

Myndarlegt veður

Í dag var nú aldeilis veðursveifla. Í morgun lagði ég af stað í vinnu eins og lög gera ráð fyrir og komst við illan leik á áfangastað en er þangað var komið hringdi ég í vinnufélaga sem var að koma úr Hafnarfirði og var hann þá fastur við gamla aðalhliðið á Vallaheiði þannig að ég fór við annan mann að ná í hann en það tókst ekki sem skildi því við vorum allstaðar fastir svo við ákváðum að fara heim þegar við komumst af Vallaheiði. þegar þannig viðrar finnst mér best að vera heima og eins finnst mér ágætt að ná í Kristberg í skólan og hafa hann heima hvað svo sem kerfið segir en ég hef svo sem fengið að vita að það voru menn að vinna í dag á heiðinni. Gaman að vita hvernig menn tækla svona aðstæður og verða ofboðslegir karlar í krapinu þegar þeir eru loksins komnir í vinnu eftir erfiða ferð og mikil læti við að komast þetta. Mér finnst það ekki geta skipt öllu máli þó að maður sitji heima einn dag og láti veðrið ganga yfir.

Pælingar

1. Nú hefur fjölskyldan ákveðið að bregða undir sig betri bomsunum og skella sér í sólina á Albir í upphafi sumars.  Það ætti að vera spennandi og er það og ekki hvað síst að nú förum við bara þrjú en restin er á víð og dreif á þessum tíma þannig að hver verður að sjá um sig sjálfur.   

Ódýr trygging.

Alveg er það nú með ólíkindum að ekki skuli vera meira um að fólk fjárfesti í eins ódýrum búnaði og reykskynjari og slökkvitæki eru. Reykjskynjari er sennilegast ódýrasta líftrygging sem völ er á og þó að settir væru skynjarar í öll herbergi þá er það ekki mikill kosnaður sér í lagi ef miðað er við annað sem fjárfest er í.  Þó ég sé ekki höfuðborgarbúi þá líst mér vel á að starfsstöðvum slökkviliðsins verði fjölgað og að aðbúnaður og launamál starfsmanna verði sem bestur á hverjum tíma.

Slökkvistöðvum fjölgað á höfuðborgarsvæðinu

Bætur fyrir fúasprek

Hvernig dettur fólki það í  hug að ætlast til að greitt verði fyrir þessi hús af almannafé þegar það er af skornum skammti fyrir. Þetta eru nú með þeim ljótustu húsum í götunni og það myndi sennilega bæta götumyndina mikið ef það kæmi fallegri hús þarna. Annars spyr ég hvar var þetta lið sem berst hvað harðast við að varðveita þessi kofaskrífli þegar stór hluti sögurnar var fargað en þar á ég við þegar bátaflotanum var fargað í grið og erg á brennum landsmanna, ég veit ekki betur en það þögðu allir þessi þunnu hljóði þá.  En nú virðast alli vera að hugsa um hvað krakkarnir í framtíðinni koma til með að hugsa, verða þau ekki bara á kaffihúsum og velta vöngum um hvað er að gerast í 101? Hættum að sóa peningum og tíma í þetta bull og hugsum um bætta götumynd í framtíðinni og verferð allra sem minna mega sín.

Einkennileg staða varðandi Laugavegshús